سيدي محمد

هو الأمير الفارس هنون ولد بوسيف ولد أحمد ولد هنون العبيدي أبرز أمراء أولاد امبارك، وأشهر  أمراء المنتبذ القصي على الإطلاق، وأخلدهم في الذاكرة الشعبية

وهو سادس رؤساء أهل هنون العبيدي من أولاد عيشة، تولى الإمارة ما يقرب من أربع وثلاثين سنة - من 1792 إلى 1826.

فقد تولى الإمارة في يناير سنة 1792 بعد أخيه الأمير عثمان بن بوسيف بن أحمد بن هنون لعبيدي، المعروف بـ(فارس الحله)، كان فارسا سيدا أريحيا، وفي مدحه قيلت اتهيدينه المعروفة باتهيدينتْ اللحن:

ذاك ازعيم امبارك عثمان :: شيخ اهل الحوظ الجامحَّ

وشيخ اهل البل واسكران :: تابعتُ ماهُ تابحَّ

حارب الأمير هنون إدوعيش ولم يزل بهم حتى أنهكهم، ومن أيامه معهم: يوم البيجوج ويوم تنتينه، كما اشتدت الصراعات بينه وأبناء عمومته (فاته انغلي)، ومن أيامه مع أبناء عمومته يوم (بالنعوم) ضد فونتي. ويوم (ولاتة) ويوم (وسط) وهما ضد أولاد العالية. كما أوقع بأولاد طلحة عام 1800.

وذكر الشيخ سيدي محمد الخليفة بن الشيخ سيدي المختار الكنتي في (الطرائف والتلائد) أن الشيخ سيدي المختار الكنتي راسل هنون بن يوسيف.

توفي الأمير هنون في نوفمبر 1826م ودفن عند (زيرت بخواگه) بمنطقة آوكار.

كان الأمير هنون ولد بوسيف فارسا شجاعا جوادا سيدا، مُمَدّحًا.

أنشأ له الفنانون (مايُخَرّصْ) وهو رخو انتماس (الجانبة الكحلة)، ويسمى سيني كر.

ومن أشوار (مايخرّص) الزمنية (تايات ما يخرص الستة) وهي:

( التحرار ، اتوكويك ، اتلاگيط ، اتغاميس ، اتفركيس ، و اتناعيت)

وسميت بالتايات لأن كل شور يبدأ اسمه بحرف التاء:

  ومن أشهرها (اتناعيت) وشاهده: (هنّون ألا هنُّون :: أسكي مغلظ هنون)

يقول فيه انبيط ول حيبلَ لهنون:

ظَنَّيْن فِيه اْليَمْ :: گَبْل اِحَسَّنْ لِگْرُون

ءُحَسَّنْ لِگْرُون ءُ تَم :: إِعْل ذَاكْ الْمَظْنُون

إِغْسِل فَات الْصِگْرَه :: مِن تِفْخَام الْشِعْرَه

ساسْ امحاصِْر جبره :: وِامْحاصِرْ بُوعَبُّون

كِيفْ اِغْسِيل الْوَزْرَه :: الْبِيظَه بِالْصَابُون

وقد مدح عملاق الفن والأدب الفنان سدوم ولد انچرتو، الأمير هنون، ومن ذلك قوله: 

فرص أفكراش أنجوع أكيل :: أخيار الحلة وأتيسهَ

ماهي فرص أفكراش أبخيل ::  ايدور باش إرخسـهَ

نعرف يوم من أيام الوَيْل ::  نفستو فيه ونفســهَ

هــو نـفــسـهَ بيـه أرجـيل :: وهي زاد اطويل أنفسه

ثم مدحه باتهيدينَة من أشهر ما قيل في اتهيدين، وهي اتهيدينة (تفرغ زينة) سماها بذلك لأنه كان يضيف إليها، وكلما زادها ازدات حسنًا، وهي:

أفُگراشْ انْجُوعْ انْقَيْوَان :: شِيْخْ انزَايلْهَ واحْلِلْهَ

بِيهْ اتشُومْ ، ولَرْظْ السَّيْحانْ :: اِيرَحّلْهَ واِينَزّلْهَ

أغْلَظْهَ واَكْبَرْهَ دِيوَانْ :: وأرَيّسْهَ وأسَطْفَلْهَ

وَاطْرَبْهَ تَوّ اللِّعْبْ ، ءُكانْ :: الْمَصِيبَ يِتحَمّلْهَ

بِالْخَيلْ الحرّاتْ ءُ لَظْعانْ :: وَاصْحابْ الْمُلْكْ امْگدّلْهَ

كانْ اطْرَحْ فَرَاصَ تِزْيَانْ :: رَبِّ للنّاس ايْحَفّلْهَ

ومَسْلَ ذابِحْهَ فِلْكِرْعانْ :: فَرْظْ اعْلَ امْباَرك يَوْكَلْهَ

واكْسَاهَ كانْ النّجع اشيان :: وأشْيَنْهَ صنْعَه واگْدَلْهَ

هَنُّون الِّ عَرْبْ  انتِسان :: التّالِ مِنهَ وَاوّلْهَ

مِثلُ فِيهَ عَمُّ عِثمَانْ ، :: بَگَّ سلطان امْحَافِلْهَ

ؤعَمُّ بَكّارْ اغْليظْ الشّانْ :: أكبَرْهَ زَوْگَ واعْقَلْهَ

اخْليفِتْ گَوْجَايْ الفِرْسان :: للتّانِتْفُرْتْ ايزَگّلْهَ

يصْدَف مُلاهَ فِلْمِسْلانْ :: فَرْصُ فالرّوْغْ إحَفّلْهَ

واِيجِ جانِبْهَ طفْلْ الشان :: امْلَغمَسْ مِن دَمْ اكْفِلْهَ

هَنونْ اَكانْ اصْبَحْ غَضْبانْ :: عِگدَ فِي وِجْهُ يَعْمَلْهَ

اللهُمّ وِجْهْ البُرْتانْ :: ؤلا حَدْ اِيظَلْ امْگابِلْهَ

ما يِحْمِلْ بِيهَ كُونْ افْلانْ :: افْلانْ ؤلاهُ حَامِلْهَ

ؤگمَانْ العِلْبَ والتِّمْتانْ :: مُحَالْ اتگيسُ بِجْهَلْهَ

هَيْبِتْ مُولْ الْمُلْكْ السبحان :: إشْ يَعْمَل حَد امْتِينْ إلْهَ 

الشّرْ اعْمَلْ فيه البُرْهان :: واخبارْ الشِّيعَ كَمّلْهَ

ؤعادِيهْ ارْمَحْهَ بالغِزْيانْ :: ؤهَذَاك إلْ عادْ امْجَفّلْهَ

فالدّهرْ اعيَاطْ الخَوْفْ إگرانْ :: شَگْ الفرگان إشَلْشَلْهَ

لَيْنْ إدَرْبِيهَ فالوِدْيانْ :: وَلَّ فَالجُّرْفْ إوّحَلْهَ

تَوْ إيجِ فَٱرْبَعْ مِيتْ ٱعْنَانْ :: ؤهُوّ هُوّ گاعْ أرْجَلْهَ

**

وٱوْلادْ الفَحْفَاحْ الظّمّانْ :: طُولْ الشّرْ ٱِيلَ دَامْ ٱلْهَ

مَا تِذْرِحْ فيه ، ؤلا تِلْيان ، :: ؤلا گطْ ٱلْطَامُ مَلَّلْهَ

ؤلا گطْ ٱتنَزّهْ فِي لَوْطانْ :: عَرْبِ كاتِلْتُ وٱكْتِلْهَ

ؤلا گط ٱكتِلْهَ گاعْ ٱزمانْ :: ما نِزْلِتْ فِمْنَيْنْ ٱكْتِلْهَ

وٱمْرَگْ هُوّ بَلُّ حَشْمان :: ؤفِدْيَارُ سَدّاوْ ٱحْلِلْهَ

هِيّ يُومْ ٱلْ تَگبَظْ لَظْعَانْ :: تِجْبِدْ تِتْمَعْيَرْ فِرْجِلْهَ

وِلْ ٱنچَرْتُ مَانَللَّ كانْ :: ما يَحْظَرْ وِسْطْ ٱفْزُوعْ ٱلْهَ

هِي كِيفْ ٱجنود السلطان :: بِكْنَايِنْهَ وٱحْمَايِلْهَ

وٱعْمَايِمْهَ شَاشْ أرَوَان :: وٱعْكَارَ فِي دَلايِلْهَ

ؤمَحْزَمْتْ ٱمّبَّرْ والقفطان :: وٱحْرَامْ ٱمْطَرّزْ گَادِلْهَ

وٱبنودْ ٱعلَ عِيدَان ٱزّانْ :: ٱف جَعْبْ النّصَارَ يَنْعَلْهَ

وٱقفافير ٱعْلَ كِلْ ٱلْوَانْ :: تِظْوِ فِشّمْسْ ٱمْدَاوِلْهَ

طاگِتْهَ بُوفُمّيْنْ ٱگرَانْ :: وٱسْلاحْ افْ بَيْظْ اتحَمّلْهَ

تَسْمَعْ كَمْ مِن زَامِلْ كَلْشَان :: ٱدْهِيرُ لَرْضْ ٱيزَلْزَلْهَ

وٱتشَوف ٱصواگِيهَ تِتبَانْ :: تِتحَاذَ ذَيْكْ ٱمْعَازِلْهَ

بُو رَمْظانَيْنْ ؤبو رَمْظَان :: بِٱگْفُفْ وٱگْطاطِ تِعْزِلْهَ

وتَسْهَ فِلْقَالَ والقفطان :: وٱدْرَامِزْ رُوصْ ٱمطافِلْهَ

وٱدراريع البُوگْ الشِّهبان :: تِظْوِ فِشّمْسْ ٱمْكاحِلْهَ

يِعْمِ عَنهَ عَيْنْ الْمِعْيَانْ :: ؤلا صَابِتْ نِيِّتْ دَاحِلْهَ

هَذاكْ ٱفلانْ ؤذاك ٱفلان :: ٱمّالْ العادِي تِحْمِلْهَ

تِتقامِسْ فِي رَهْجْ الدّخّان :: عادَ مَعْرُوفَ گاعْ ٱلْهَ

وٱلِّ شَلّتْ سَعْدُ يِشْيَانْ :: ؤوَيْلْ ٱلْ عَاطِ بِٱگْفَاهْ ٱلْهَ

يَكْرَمْ مِن كَم مِن شَعْناَن :: بِخْبِيط الدّفْعَ تَعْمَلْهَ

وٱتحوص الفارس فِلْمِسْلان :: فَرْصُ تِهْرِدْ گَدْحْ ٱكْفِلْهَ

وٱللَّ تَصْدَفْ مِن بَل ٱگرَان :: الگندُوز ؤرَاصْ ٱرْجِلْهَ

بِحْدَجْ گالِبْ مُوسَ نِصْرَان :: ذُوك أيّاكْ ٱمن ٱمْقَاتِلْهَ

گايِدْهَ هَنونْ السلطان :: ٱعْلَ ٱثرُ مِنْبَجْ أوّلْهَ

مِتگفّلْ تَحتُ مِنتْ ٱحْصَانْ :: خامِرْهَ شَيْ ٱمْشَاوِلْهَ

زَافُوفَ تَقلَبْ مِيتْ ٱعنانْ :: ٱعْلَ لَسِيمْ ٱيحَمّلْهَ

ؤمَرّ تَحتُ زَامِلْ كَلْشَان:: خَيْلْ الْمَجْبُودَ يَحْفَلْهَ

ٱيسَنّدْ بِيهَ شَوْرْ أقَنّانْ :: وَكْتَنْ تِنْشَلْ إيوَيْتَلْهَ

هاذَ ماهْ ٱنُّ دَيْ ٱلْسَانْ :: ٱعْمَلْ ذِ الْحِيلَ وٱعْمَلْهَ

وٱعمَلْهَ فِنْجُوعْ إيوَلانْ :: ؤفِكْرَاعْ الناگَ ، سَوّلْهَ

وٱعمَلْهَ طاحْ ٱعلَ فِرْگانْ :: أولادْ ٱعْبَيْدِ سَگبَلْهَ

وٱعمَلْهَ فِعْرَبْ بِدّمْيَانْ :: وبْگِرْگِلْ لَكْحَلْ سَرْمَلْهَ

جَابْ ٱلِّ فيهَ مِن حَنْحَانْ :: ؤلا خَلّ بَگرَ وٱعْجِلْهَ

ٱصْبَرْ صَبْرْ ٱمْتَيْتَلْ قَضْبَان :: ماهُ بِالصّوْگْ ٱمْعَجّلْهَ

يِبْقِ عادْ ٱيسَابِگْ لَظْعَانْ :: عامِدْهَ واللَّ غَافِلْهَ

إليْن ٱگفَحْهَ لِلِّ بَان :: ٱف وِسْطْ الرّكْنَ يَوْكَلْهَ

ؤلُولَ خَوْفْ اكْلامِ يِشْيَانْ :: فَعْگابْ الصَّبَّ وَاوّلْهَ

انگولْ انُّ عَرْبِ سلطان :: وسَمْيُ لَخْلاگْ ايْمَلْمَلْهَ

خَيْل ازعيمْ انْجُوعْ اِيوَلانْ :: راجِلْهَ ووْلِدْ راجِلْهَ

ثم يأتي سدوم بمسك ختام اتهيدينته بما يسمّيه أهل الفن (اتعرگيبتْ الصَّـبّه) أو ( مسنون الصّبَه)، وهو تغيير الروي لشدِّ انتباه المستمع والانطلاق مجددا للتنويع من خلال رَوِيٍِ جديد.

يقول سدوم ولد انچرتو اتعرگيبتْ اتهيدينت تفرغ زينه:

خيل ايلَ غلْبِتْ لا تِهْوانْ :: وايلَ مَغلْبِتْ لا تِسْبِيكْ

فِدَّهْرْ اعْياطْ الخَوْفْ اگْرَانْ :: وامْخاليقْ اللَّ هِيَّ فِيكْ

وازْعِيمْ امْباَركْ رَجَّالُ :: واشْياخِتْ بُوهْ ؤجِدُّ ذِيكْ

واشياخِتْ بُو امُّو واخْوَالُ :: ذَ الرَّب السبحان المليك

في هاذَ الدهر اَطَاهَالُ :: كَانَكْ بِنْ عَمْ : أهْدَ يِهْدِيكْ ،

أخَيْرْ ألاَّ تُخَلاَّلُ . :: ويَلْدَاحِسْتَكْ لاهِ انوَصِّيكْ

: هُوَّ گالِعْهَ بَفْعالُ ، :: وابْذِ ، واللَّ ذِ ، واللَّ ذِيكْ

كامل الود